قصه تحيفه

فكرتينى بموقف لذيذ لسه فاكرو
ﻣﻦ ﺍﻟﻤﻮﺍﻗﻒ ﺍﻟﻠﻄﻴﻔﺔ ﺍﻟﻠﻲ ﻣﺮﺕ ﻓﻲ ﺣﻴﺎﺗﻲ، ﺻُﺪﻓﺔ ﻣﺤﺒﺒﺔ ﻟﻘﻠﺒﻲ ﺟﻤﻌﺘﻨﻲ ﻣﻊ ﺳﺖ ﺟﻤﻴﻠﺔ ﺃﻛﺒﺮ ﻣﻨﻲ ﺏ 40 ﺳﻨﺔ، ﻛﺎﻧﺖ ﺑﺘﺤﻜﻴﻠﻲ ﻋﻦ ﺟﻮﺯﻫﺎ ﺍﻟﻠﻲ ﻣﻦ ﻭﺟﻬﺔ ﻧﻈﺮﻫﺎ ﺃﻧﻪُ ﺃﻓﻀﻞ ﺷﺨﺺ ﻓﻲ ﺍﻟﻌﺎﻟﻢ، ﺑﺘﻘﻮﻟﻲ ﺍﻥ ﺑﻌﺪ ﺟﻮﺍﺯﻫُﻢ ﺏ 10 ﺳﻨﻴﻦ ﺃُﺻﻴﺒﺖ ﺑﻤﺮﺽ ﺟﻠﺪﻱ ﻣﺎﻟﻮﺵ ﻋﻼﺝ ﻣُﺘﺎﺡ ﺑﺎﻟﻨﺴﺒﺎﻟﻬﺎ ﻭﻫﻮ " ﺍﻟﺒُﻬﺎﻕ " ، ﻭﺻﻔﺘﻪُ ﺑﺈﻧﻪُ ﺷﻮﻫﻪ ﺟﺴﻤﻬﺎ ﻛُﻠﺔ ﺧﻼﻫﺎ ﻣﺶ ﻗﺎﺩﺭﺓ ﺗﻮﺍﺟﺔ ﺍﻟﻨﺎﺱ ﻭﻻ ﺗﺨﺮﺝ ﺑﺎﻟﺸﻜﻞ ﺩﺓ، ﻗﺎﻟﺘﻠﻲ ﻓﻲ ﺍﻟﻔﺘﺮﺓ ﺩﻱ ﺃﻛﺘﺮ ﺣﺪ ﻛﺎﻥ ﺑﻴﺴﻨﺪﻧﻲ ﻭﻳﻘﻮﻳﻨﻲ ﺑﻮﺟﻮﺩﺓ ﺟﺎﻧﺒﻲ ﻫﻮ ﺟﻮﺯﻱ .
ﺑﻌﺪ ﺷﻮﻳﺔ ﻟﻤﻌﺔ ﻋﻴﻨﻬﺎ ﺑﺘﺰﻳﺪ ﺃﻛﺜﺮ ﻭﺑﺘﻘﻮﻟﻲ، ﺗﻌﺮﻓﻲ ﺍﻥ ﻋُﻤﺮﻩ ﻣﺎ ﺳﺄﻟﻨﻲ ﺍﻳﻪ ﺍﻟﻠﻲ ﻓﻲ ﺟﺴﻤﻚ ﺩﺓ؟ ! ﻭﻻ ﺣﺘﻰ ﺍﻇﻬﺮﻟﻲ ﺇﻥ ﺩﻱ ﺣﺎﺟﺔ ﻗﻠﻠِﺖ ﻣﻦ ﺟﻤﺎﻟﻲ، ﻓﻀﻞ ﻳﺤﺒﻨﻲ ﺯﻱ ﻣﺎ ﺃﻧﺎ ،ﺍﻛﻨﻲ ﻣﺎﺯﻟﺖ ﺻﺎﻍ ﺳﻠﻴﻢ، ﺑﻞ ﺑﺎﻟﻌﻜﺲ ﺑﺪﺃ ﻳﻈﻬﺮﻟﻲ ﺍﻧﻲ ﻳﻮﻡ ﺑﻌﺪ ﺍﻟﺘﺎﻧﻲ ﺑﺒﻘﻰ ﺍﺣﻠﻰ ﻭﺍﺣﻠﻰ .
ﻭﺍﺣﺪﺓ ﺻﺎﺣﺒﺘﻲ ﺍﺗﺨﻄﺒﺖ، ﺑﻌﺪ ﻓﺘﺮﺓ ﻣﻦ ﺍﻟﺨﻄﻮﺑﺔ، ﻣﺮﺕ ﺑﻈﺮﻭﻑ ﻣﺮﺿﻴﺔ ﺧﻠﺖ ﻭﺯﻧﻬﺎ ﺯﺍﺩ ﺑﺸﻜﻞ ﻣﻠﺤﻮﻅ، ﺑﻌﺪﻫﺎ ﺑﺄﻳﺎﻡ ﺑﺴﻴﻄﺔ ﺳﻤﻌﺖ ﺍﻧﻬﺎ ﺳﺎﺑﺖ ﺧﻄﻴﺒﻬﺎ، ﻭﻟﻤﺎ ﻗﺎﺑﻠﺘﻬﺎ ﺑﺪﺃﺕ ﺗﺤﻜﻴﻠﻲ ﻛﺪﺓ ﺑﺎﻟﻨﺺ " ﺧﻼﻧﻲ ﻛﺮﻫﺖ ﻧﻔﺴﻲ، ﻣﻜﺎﻧﺶ ﺳﻨﺪ ﻭﻻ ﺿﻬﺮ ﺍﺑﺪًﺍ، ﺩﺓ ﻛﺎﻥ ﻛﺴﺮِﺓ ﺿﻬﺮ ﺍﻩ، ﻛﺎﻥ ﻛﺴﺮِﺓ ﻧﻔﺲ ﻣﺎﺷﻲ ".
ﻭﺑﻌﺪﻳﻦ ﺳﻜﺘﺖ ﺷﻮﻳﺔ ﻭﻋﻴﻨﻴﻬﺎ ﻫﺘﻨﻄﻖ ﻣﻦ ﻛُﺘﺮ ﺻﻌﻮﺑﺔ ﺍﻟﻤﻮﻗﻒ ﻋﻠﻴﻬﺎ ﻗﺎﻟﺘﻠﻲ " ﻛﺎﻥ ﺑﻴﺘﺮﻳﻖ ﻋﻠﻰ ﺷﻜﻠﻲ ﻭﺑﻴﻬﺰﺭ ﻗﺪﺍﻡ ﺍﻱ ﺣﺪ ﻋﻠﻰ ﺃﻥ ﻭﺯﻧﻲ ﺯﺍﺩ، ﻛﺎﻥ ﺑﻴﻘﻮﻟﻲ ﻳﺎ ﺗﺨﺴﻲ ﻳﺎ ﻫﺴﻴﺒﻚ، ﻛُﻞ ﺩﻩ ﻛﺎﻥ ﻛﻼﻡ ﺟﺎﺭﺡ ﻣﺘﻐﻠﻒ ﻓﻲ ﺻﻮﺭﺓ ﻫﺰﺍﺭ ﺑﺎﻳﺦ "
ﻋﻠﻰ ﺍﻟﻌﻜﺲ ﺑﻨﺖ ﺯﻣﻴﻠﺘﻨﺎ ﻭﺯﻧﻬﺎ ﺯﺍﻳﺪ ﺑﻄﺮﻳﻘﺔ ﺻﻌﺒﺔ ، ﻛﺎﻧﺖ ﺑﺘﺤﺐ ﻭﻟﺪ ﻭﺧﻄﺒﻬﺎ ﻭﻫﻲ ﺑﺎﻟﺸﻜﻞ ﺩﺓ ﻭﻛﺎﻥ ﻓﻲ ﻗﻤﺔ ﺳﻌﺎﺩﺗﺔ ﻭﻣُﺘﻘﺒﻞ ﺩﺓ ﺟﺪًﺍ، ﻭﻋﻤﺮﺓ ﻣﺎ ﺟﺮﺣﻬﺎ، ﺑﺘﻘﻮﻟﻲ ﻛﻼﻣﻪُ ﺧﻼﻧﻲ ﺍﺳﻌﻰ ﺍﻧﻲ ﺍﺧﺲ ﻭﺍﻏﻴﺮ ﻣﻦ ﺷﻜﻠﻲ، ﻛﺎﻥ ﺑﻴﻘﻮﻟﻲ ﺍﻧﺘﻲ ﺟﻤﻴﻠﺔ، ﻭﻟﻤﺎ ﺃﺳﺄﻟﻪُ ﻋﻦ ﻭﺯﻧﻲ ﻳﻘﻮﻟﻲ ﻋﺎﺭﻓﺔ ﻟﻮ ﻭﺯﻧﻚ ﺯﺍﺩ ﺃﺿﻌﺎﻑ،ﺃﻧﺎ ﺑﺤﺒﻚ، ﻭﻫﻔﻀﻞ ﺃﺣﺒﻚ، ﻓﻲ ﻛُﻞ ﺃﺣﻮﺍﻟﻚ ﻫﺘﻔﻀﻠﻲ ﺟﻤﻴﻠﺔ ﻓﻲ ﻋﻴﻨﻲ ". ، ﻭﺣﻀﺮﺕ ﺯﻓﺎﻓﻬﻢ ﻣﻦ ﻓﺘﺮﺓ ﺑﺴﻴﻄﺔ، ﻭﻟﻤﺎ ﺣﻀﺮﺕ ﻓﻌﻠًﺎ ﺍﻧﺒﻬﺮﺕ ﺑﺸﻜﻠﻬﺎ ﻭﻭﺯﻧﻬﺎ ﺍﻟﻠﻲ ﺑﻘﻲ ﻟﻄﻴﻒ ﻭﻣُﻨﺎﺳﺐ ﻣﻌﺎﻫﺎ، ﻭﻋﺮﻓﺖ ﺃﺩ ﺍﻳﻪ ﺍﻟﺤُﺐ ﻋﻈﻴﻢ ﻗﺎﺩﺭ ﻳﺮﻓﻌﻚ ﺳﺎﺑﻊ ﺳﻤﺎ، ﻗﺎﺩﺭ ﻳﺨﻠﻖ ﻣﻨﻚ ﺷﺨﺺ ﻋﻨﺪﺓ ﻃﺎﻗﺔ ﻛﻔﻴﻠﺔ ﺗﻐﻴﺮ ﺍﻟﻜﻮﻥ ﻛﻠﺔ،ﻣﺶ ﺑﺲ ﻳﻐﻴﺮ ﻧﻔﺴﺔ، ﻭﻓﻲ ﻧﻔﺲ ﺍﻟﻮﻗﺖ ﻋﺮﻓﺖ ﺍﻥ ﺍﻟﺴﻴﻄﺮﺓ ﻭﺍﻷﺣﻜﺎﻡ ﺍﻟﺠﺒﺮﻳﺔ، ﻭﺍﻻﻫﺎﻧﺎﺕ ﺍﻟﻠﻲ ﺑﺘﻜﻮﻥ ﺗﺤﺖ ﺑﻨﺪ ﺍﻟﻬﺰﺍﺭ ﻗﺎﺩﺭﺓ ﺗﺨﻠﻖ ﻋﻼﻗﺔ ﺳﺨﻴﻔﺔ، ﻭﺗﻐﺮﺑﻞ ﺍﻟﺮﻭﺡ، ﻭﻛﻔﻴﻠﺔ ﺗﺨﻠﻴﻚ ﺗﻨﺘﺤﺮ ﻟﻮ ﻣﺘﺨﻠﺼﺘﺶ ﻣﻨﻬﺎ ﻓﻲ ﺃﻗﺮﺏ ﻓﺮﺻﺔ .
ﺃﻧﺎ ﻣﺶ ﻗﺎﺩﺭ ﺍﺳﺘﻮﻋﺐ ﺃﻧﺖ ﺇﺯﺍﻱ ﻣُﺘﺨﻴﻞ ﺍﻥ ﻓﻲ ﺷﺨﺺ ﻧِﻔﺴﺔُ ﻳﻈﻬﺮ ﺑﺼﻮﺭﺓ ﺳﻴﺌﺔ، ﺑﺎﻟﻌﻜﺲ ﺍﻱ ﺣﺪ ﺑﻴﺤﺐ ﻳﻈﻬﺮ ﺑﺸﻜﻞ ﺟﻤﻴﻞ ﻭﻣﻬﻨﺪﻡ ﻭﻣُﺮﺗﺐ .
ﺻﺪﻗﻨﻲ ﻟﻮ ﺍﻱ ﺣﺪ ﻓﻲ ﺍﻳﺪﺓُ ﺭﻳﻤﻮﺕ ﺑﻴﺘﺤﻜﻢ ﺑﻴﺔ ﻓﻲ ﺷﻜﻠﺔُ ﻛُﻨﺎ ﻫﻨﺒﻘﻲ ﻧﺴﺨﺔ ﻣﻦ ﺑﻌﺾ، ﺷﺒﺔ ﺍﻟﻌﺮﺍﻳﺲ ﺍﻟﺤﻼﻭﺓ، ﻣﻦ ﻏﻴﺮ ﺍﺭﻭﺍﺡ، ﻓﺎﺿﻴﻴﻦ ﻣﻦ ﺟﻮﺓ ﺑﺎﻟﻤﻌﻨﻰ ﺍﻟﺤﺮﻓﻲ ﻟﻠﻜﻠﻤﺔ، ﻧﻮﺍﻗﺼﻨﺎ ﻛﻮﺍﻣﻞ ﻟﺒﻌﺾ .
ﻭﻗﺖ ﻣﺎ ﺍﻗﻮﻟﻚ ﺑﺤﺒﻚ ﻳﺒﻘﻰ ﺃﻧﺎ ﺭﺍﺿﻴﺔ ﺑﻜُﻞ ﺫﺭﺓ ﻓﻴﻚ ﺷﻜﻠًﺎ ﻭﻣﻀﻤﻮﻧًﺎ، ﺃﻧﺎ ﺣﺎﺑﺔ ﺭﻭﺣﻚ ﻓﺎ ﺑﺎﻟﺘﺎﻟﻲ ﻫﺎﺣﺐ ﺍﻟﻜِﺴّﻮﺓ ﺍﻟﻠﻲ ﻣﻐﻠﻔﺔ ﺍﻟﺮﻭﺡ ﺩﻱ .
ﻋﺮﻓﺖ ﺍﻥ ﺍﻡ ﻛﻠﺜُﻮﻡ ﻣﺒﺎﻟﻐﺘﺶ ﺍﻣﺎ ﻗﺎﻟﺖ " ﺍﻥ ﻛُﻨﺖ ﺍﻗﺪﺭ ﺍﺣﺐ ﺗﺎﻧﻲ، ﺃﺣﺒﻚ ﺍﻧﺖ ". ، ﻓﻌﻠًﺎ ﻓﻲ ﻧﺎﺱ ﺗﺴﺘﺤﻖ ﺍﻧﻬﺎ ﺗﺘﺤﺐ ﻭﺗﺘﺤﺐ ﻭﺗﺘﺤﺐ ﻭﻟﻠﻪ